Nûtirîn agahî derbarê rewşa Sûriyê
Li kanûna 2024 li Sûriyê desthilat û rewşa ewlehiyê guherîne. Li ser vê rûpelê em nûtirîn agahiyên ku tesîrê li mişteriyê Daîreya Koçberan bikin didin.
Dawîn car ev rûpel 18/12/2024 hatiye nûkirin.
Biryarên derbarê parastina navneteweyî
Biryardana li ser dawayên penaberiyê û dawayên domandina îqameyan yên welatiyên Sûriyê li ser bingehê penaberiyê û parastina navneteweyî hatine rawestandin.
Bo biryardana penaberiyê herdem nûtirîn agahiyên derbarê welatî hewce ne ku xizmeta welatnasiyê ya Daîreya Koçberan ji çavkaniyên cuda dicivîne û bi çalakî nû dike. Ji ber guherîna desthilatê li Sûriyê niha agahiyên me yên derbarê rewşa wî welatî kevn bûne. Dema ku agahiyên derbarê rewşa wî welatî hatin nûkirin, em dikarin dîsa biryaran li ser dawayên penaberiyê û dawayên domandina îqameyên welatiyên Sûriyê bidin.
Dawayên derbarê parastina navneteweyî
Tevî ku biryardan niha hatiye rawestandin, dikarî hê jî dawa penaberiyê ji karbidestên sinor yan ji polîs bikî.
Eger dawa domandina îqameyê li ser bingehê penaberiyê yan parastina duyem bikî, dawa xwe pêşkêş bike berî ku îqameya te ya niha bi dawî bibe. Eger di dema diyarkirî de dawa domandina îqameyê bikî, mafê te yê karkirinê qut nabe.
Hevpeyivînên penaxwaziyê
Hevpeyivînên penaxwaziyê ku bo welatiyên Sûriyê hatine girtin, tên dirêjkirin lê dem bo hevpeyivînên nû niha nayên girtin.
Daxwazên leandinê
Daxwazên lezandinê yên dawayên penaberiyê yan domandina îqameyê yên welatiyên Sûriyê niha nayên meşandina çunkî biryardan hatiye rawestandin.
Eger hewceyî alîkariya gotûbêjan bî
Telefona qeyranî ya rêxistina MIELI ry bi fînlandî (mieli.fi) bi şev û roj bersiv dide +358 9 2525 0111. Alîkarî bi inglîzî jî tê pêşkêşkirin. Li ser malpera MIELI ry zêdetir bixwîne.
Navenda qeyranê ya MIELI li Helsinki alîkariya gotûbêjên demkurt bo rizgarbûna ji qeyranan pêşkêş dike. Zêdetir bixwîne: MIELI Crisis Centre Helsinki – MIELI ry (mieli.fi).
Eger li navendeke pêşwazîkirina penaxwazan qeydkirî bî, têkilî bi karmend yan peristarên navendê re deyne. Eger li bajarekî qeydkirî bî, dikarî alîkariyê ji navenda tenduristiyê ya wî bajarî wergirî. Eger li xwendingehekê bî, dikarî alîkariyê ji derûnnas, rêberên xwendingehê yan peristarên wê wergirî.
Di haletên lezgîn yên qeyranî de telefona lezgîn 112 bike.
Vegerîna dilxwazane
Niha alîkariya vegerîna dilxwazane bo Sûriyê ne mimkin e.
Eger bixwazî vegerî Sûriyê, dikarî dawa xwe ya penaxwaziyê betal bikî. Şîretan ji rûpela Betalkirina dawayê bixwîne.
Eger xwedî parastina navneteweyî bî û bixwazî bo hetahetayî vegerî welatê xwe, dikarî dawa bikî ku îqameya te were betalkirin. Hingê parastina te tê fesxkirin.
Şîretên derbarê betalkirina îqameyê ji rûpela Betalkirina îqameyê û fesxkirina parastinê ji rûpela Fesxkirina penaberiyê û parastina navneteweyî bixwîne.