پرسیارکه‌کانی که‌ زۆر جار ده‌کرێن سه‌باره‌ت به‌ درێژترین کاتی بۆ بڕیاردان

مه‌به‌ست له‌ درێژترین کاتی بۆ بڕیاردان چییه‌؟
به‌ گوێره‌ی یاسای نوێ داواکاریه‌کانی که‌ دوای ڕۆژی ۲۰۱۸.۷.۲۰ ڕاده‌ست کراون ده‌بێت که‌ له‌ ماوه‌ی ۶ مانگ دا بڕیار له‌سه‌ریان بدرێت.  

یاسای نوێ چی داوکاریه‌کان له‌ خۆی ده‌گرێت؟
ئه‌رکی درێژترین کاتی بڕیاردان ئه‌و داواکاریانه‌ له‌ خۆی ده‌گرێت که‌ دوای ڕۆژی ۲۰۱۸.۷.۲۰ ڕاده‌ست کراون. کاتی بڕیاردان له‌و ڕۆژه‌وه‌ ده‌ژمێردرێت که‌ داواکاریه‌که‌ ڕاده‌ست کراوه‌ به‌ پۆلیس یان کاربه‌ده‌ستانی سینۆر.

یاسای نوێ چی داواکاریێک له‌ خۆی ناگرێت؟
یاسای نوێ ئه‌و داواکاریانه‌ له‌ خۆی ناگرێت که‌ به‌ر له‌ ڕۆژی ۲۰۱۸.۷.۲۰ ڕاده‌ست کراون و نه‌ش ئه‌و بابه‌-تانه‌ که‌ له‌ لایه‌ن دادگای به‌ڕێوه‌به‌ریه‌وه‌ گه‌ڕاندوونه‌ته‌وه‌.

چی به‌ سه‌ر ئه‌و داواکاریانه‌ دێت که‌ به‌ر له‌ ڕۆژی ۲۰۱۸.۷.۲۰ ڕاده‌ست کراون و نه‌ش ئه‌و بابه‌تانه‌ که‌ له‌ لایه‌ن دادگای به‌ڕێوه‌به‌ریه‌وه‌ گه‌ڕاندوونه‌ته‌وه‌؟
ماوه‌ی دیارکراوی ۶ مانگی ئه‌و داواکاریانه‌ له‌ خۆی ناگرێت که‌ به‌ر له‌ ۲۰۱۸.۷.۲۰ ڕاده‌ست کراون. به‌ڵام ئه‌و داواکاریانه‌ش هاوکات له‌ گه‌ڵ داواکاریه‌کانی که‌ دوای ڕۆژی ۲۰۱۸.۷.۲۰ ڕاده‌ست کراون بڕیار له‌سه‌ریان ده‌درێت.

ئایا ڕه‌نگه‌ بڕیاردانی له‌سه‌ر داواکاریه‌کانی دوای ۲۰۱۸.۷.۲۰ ڕاده‌ست کراو له‌ ماوه‌ی ۶ مانگ درێژتر بخایێنێت؟  
کاتی بڕیاردان به‌ گوێره‌ی یاسا ده‌توانێت له‌ ۶ مانگ زیاتر بێت له‌م حاڵه‌تانه‌دا:

بڕیار ده‌بێت له‌ ماوه‌ی ۱۵ مانگدا بدرێت، ئه‌گه‌ر
 ۱) له‌ بابه‌ته‌که‌دا به‌ هۆی لێکۆڵینه‌وه‌ یان یاساییه‌وه‌ چه‌ندین پرسیاری ئه‌وه‌نده‌ دژوار و ئاڵۆز هه‌بن؛
 ۲) ژماره‌یه‌کی یه‌کجار زۆری هاوڵاتیه‌کانی سێیه‌مین یان بێوڵات له‌ هه‌مان کاتدا داوای مافی په‌نابه‌رێتی بکه‌ن که‌ له‌ کرداریدا زۆر زه‌حمه‌ت بێت له‌ ماوه‌ی شه‌ش مانگدا بڕیار له‌سه‌ر داواکا-ریه‌کانیان بدرێت؛
 ۳) دره‌نگبوونه‌وه‌ به‌ شێوه‌یه‌کی ئاشکه‌را به‌ هۆی ئه‌وه‌ بێت که‌ داواکاره‌که‌ یارمه‌تیی کاربه‌ده‌ستان نه‌کردووه‌ بۆ که‌ بابه‌ته‌که‌ی ڕوون ببێت.

بڕیار ده‌بێت له‌ ماوه‌ی ۱۸ مانگدا بدرێت ئه‌گه‌ر بۆ دڵنیابوون له‌ لێکۆڵینه‌وه‌یه‌کی ڕه‌وا و مه‌عقبووڵ پێویستی به‌ زیاتر کاتی لێکۆڵینه‌وه‌ هه‌بێت.

بڕیار ده‌بێت له‌ ماوه‌ی نه‌ دره‌نگتر له‌ ۲۱ مانگدا بدرێت ئه‌گه‌ر بارودۆخی وڵاته‌که‌ی لێ هاتوو ئه‌وه‌نده‌ ئاڵۆز بێت و نه‌توانرێت له‌ ماوه‌ی دیارکراودا بڕیار له‌سه‌ر بدرێت.

چی ده‌بێت بکرێت ئه‌گه‌ر بڕیاردان له‌سه‌ر داواکاریێکی دوای ۷.۲۰ ڕاده‌ست کراو له‌ ۶ مانگ زیاتر بخایێنێت؟
پێویست نییه‌ که‌ مشته‌ری په‌یوه‌ندی له‌گه‌ڵ فه‌رمانگه‌ی کۆچ بکات. فه‌رمانگه‌ی کۆچ به‌ خۆی به‌ مشته‌-ریه‌که‌ ڕاده‌گه‌یێنێت که‌ بڕیاردان له‌سه‌ر داواکاریه‌که‌ی دوا ده‌که‌وێت و ته‌خمینێکی نوێ بۆ کاتی بڕیاردانی پێی ڕاده‌گه‌یێنێت.

چی ده‌بێت ئه‌گه‌ر کاتی دراو بۆ داواکاریه‌کانی پێشتر له‌ ڕۆژی ۲۰۱۸.۷.۲۰ به‌ سه‌ر چووبێت؟
له‌ لێپرسینه‌وه‌ی مافی په‌نابه‌رێتیدا کاتێکی ته‌خمینی به‌ مشته‌ری ده‌درێت. ئه‌گه‌ر ئه‌و کاتی له‌ لێپرسینه‌-که‌دا دراو به‌ سه‌ر بچێت، ده‌توانیت کاتی چاوه‌ڕوانکراوی بڕیاردان له‌ سه‌ر ماڵپه‌ڕی فه‌رمانگه‌ی کۆچ بژمێریت: www.migri.fi.
 
هه‌روه‌ها پارێزه‌ره‌که‌ی دادیت یان کارمه‌ندی که‌مپه‌که‌ت ده‌توانێت ئه‌گه‌ر پێویست بێت په‌یوه‌ندی بکات له‌گه‌ڵ فه‌رمانگه‌ی کۆچ