د افغانستان د حالت په اړه په مكرر ډول پوښتنې
موږ اوس مهال د افغانستان د حالت په اړه لوی شمیر پوښتنې ترلاسه کوو. پدې پاڼه کې، موږ په مکرر ډول پوښتنو ته ځوابونه راټول کړي. پاڼه به تازه شي لکه څنګه چې حالت وده کوي.
زه د فنلینډ وګړی یم یا په فنلینډ کې د اوسیدو جواز لرم. زه اوس مهال په افغانستان کې یم. زه څنګه فنلینډ ته لاړ شم؟
مهرباني وکړئ د بهرنیو چارو وزارت 24/7 خدمت سره اړیکه وکړئ
- په اي ميل باندي (غوره شوی) paivystys.um@formin.fi
- یا په تلیفون سره په 358916055555+.
زه څنګه د کورنۍ غړي سره فنلینډ ته په تګ کې مرسته کولی شم؟
په افغانستان کې حالت مشكل دی، او موږ پوهیږو چې ډیر خلک د خپلې کورنۍ غړو په اړه اندیښمن دي. له بده مرغه، د عامه واک په توګه موږ اوس مهال د دې جواز نلرو چې د قانوني جواز ورکولو پروسې څخه د انحراف لپاره ځانګړی اقدامات پورته کړو. له همدې امله، لاندې ته دوام ورکول پلي کيږي:
- هغه خلک چې فنلینډ ته تلل غواړي هغوي په فنلینډ کې د اوسیدو جواز ته اړه لري. فنلینډ ته د رسیدو نه مخكې د ړومبى استوګنې جواز لپاره غوښتنلیکونه فنلینډ ماموریت ته وړاندي كول پکار دي. د استوګنې جواز لپاره غوښتونکي باید د فنلنډ ماموریت څخه ليدل وکړي ترڅو د دوی اصليت ثابت شي. اوس مهال، په افغانستان کې د اوسیدونکو لپاره دا خورا ستونزمن کار دی چې نږدې فنلینډ ماموریت ته ورسیږي. د غوښتنلیکونو او ضرورتونو په اړه د نورو معلوماتو لپاره، د فنلینډ مهاجرت خدماتو ویب سائټ څخه لیدنه وکړئ https://migri.fi/en/first-residence-permit.
- مهرباني وکړئ د بهرنیو چارو وزارت ته د ویزو په اړه پوښتني واستوئ. ویزې لنډ او موْقتي ننوتلو جوازونه دي چې له 90 ورځو څخه ډیر دوام نلري. د ویزو تړلي فيصلي د بهرنیو چارو وزارت لخوا کیږي. د ویزې لپاره غوښتنلیک، د اعتبار نیټه او د ویزې فیس په اړه د نورو معلوماتو لپاره، وګورئد بهرنیو چارو وزارت ویب سائټ.
- د پناه غوښتنې غوښتنلیکونه یوازې په فنلینډ کې سپارل کیدی شي. د پناه غوښتنې پلي کولو او پناه غوښتنې پروسې په اړه د نورو معلوماتو لپاره زموږ ویب سائټ څخه لیدنه وکړئ: https://migri.fi/en/asylum-in-finland.
ایا پدې مهال په افغانستان کې د کورنۍ غړو لپاره د کورنۍ یوځای کیدل ممکن دي؟
هو. د فنلینډ مهاجرت خدمت په مسلسل اساس د کورنۍ یوځای کیدو په اړه فيصلي کوي ځکه چې دا د غوښتنلیکونو په اړه ټول اړین معلومات لري.
له بده مرغه، په افغانستان کې اوسني امنیتي حالت او د کورونا ویروس وبا د فنلنډي ماموریتونو لپاره له بهر څخه لیدنه ګرانه کړې ده. د فنلنډي ماموریتونو د کارونو په اړه د نورو معلوماتو لپاره، د بهرنیو چارو وزارت ویب سائټ څخه لیدنه وکړئ https://finlandabroad.fi/frontpage.
زه چیرته د خپل استوګنې جواز غوښتنلیک لپاره خپل اصليت ثابت کړم؟ زه د خپل اصليت ثابتولو لپاره له چا سره اړیکه نیولی شم؟
کله چې ستاسو د ړومبي استوګنې جواز لپاره ارزښت وکړئ، تاسو باید خپل اصليت په بهر کې د فنلینډ ماموریت یا په فنلینډ کې د فنلینډ مهاجرت خدماتو نقطه کې ثابت کړئ. که تاسو په فنلینډ کې نه یاست، تاسو باید د خپل ړومبي استوګنې جواز لپاره ارزښت وکړئ یا په هغه هیواد کې خپل اصليت ثابت کړئ چیرې چې تاسو په قانوني ډول اوسګئ.
د فنلینډ د بهرنیو چارو وزارت د فنلینډي ماموریتونو کارونو مسؤلیت لري. د فنلنډي ماموریتونو په اړه د نورو معلوماتو لپاره، د بهرنیو چارو وزارت ویب سائټ څخه لیدنه وکړئ https://finlandabroad.fi/frontpage.
زه څنګه په فنلینډ ماموریت کې ټاکڼه ثبت کړم؟
د بهرنیو چارو وزارت د فنلنډي ماموریتونو د کارونو مسؤلیت لري. د ماموریتونو په اړه د نورو معلوماتو لپاره او ټاکڼه ثبت کولو لپاره، دلته د بهرنیو چارو وزارت ویب سائټ وګورئ https://finlandabroad.fi/frontpage.
ما د فنلینډ څخه بهر زما د ړومبي استوګنې جواز لپاره موښل کړې، او زه په نوي ډهلي کې د سفارت خاني څخه د لیدني وس نه لرم. ایا زه بل فنلینډي ماموریت څخه لیدنه کولی شم؟
تاسو باید د خپل ړومبي استوګنې جواز لپاره موښل وکړئ یا په هغه هیواد کې خپل اصليت ثابت کړئ چیرې چې تاسو په قانوني ډول اوسئ. د فنلینډ مهاجرت خدمت نشي کولی پدې فيصلي تاثير وکړي چې کوم ماموریت ته د استوګنې جواز لپاره غوښتونکی باید لاړ شي، لکه څنګه چې دا فيصله د فنلینډ د بهرنیو چارو وزارت لخوا شوې. د نورو معلوماتو لپاره، د بهرنیو چارو وزارت او فنلینډي ماموریتونو ویب سائټ څخه لیدنه وکړئ په https://finlandabroad.fi/frontpage.
ایا زه کولی شم د خپلوانو په پلو څخه د استوګنې جواز غوښتنلیک وسپارم؟ ایا دا امکان لري چې د اي ميل له لارې د استوګنې جواز غوښتنلیک وسپارلي شي؟
د استوګنې جواز غوښتنلیکونه باید پخپله سپارل پکار دي. له همدې امله، د میرمن، خپلوان یا بل کس په پلو د اوسیدو جواز لپاره غوښتنه امکان نلري.
له بده مرغه د اي ميل له لارې د استوګنې جواز غوښتنلیک امکان نلري.
زه معتبر پاسپورټ نلرم. ایا زه بيا هم د استوګنې جواز لپاره سپارنه کولی شم؟
تاسو ته یوازې د استوګنې اجازه درکول کیدی شي که تاسو وړ یاست فنلینډ ته سفر وکړئ او په قانوني ډول په هیواد کې پاتې شئ. د دې معنی دا ده چې تاسو پاسپورت یا نور د سفر اسنادو ته اړه لرئ چې تاسو ورسره فنلینډ ته سفر کولی شئ او کوم چې د اوسیدو جواز لپاره د ټولې مودې لپاره اتبارى دی.
د سفر اسنادو کې پاسپورټونه، بهرني پاسپورټونه، او د مهاجر سفر اسناد شامل دي.
پناه غوښتونکي
زه یو افغان پناه غوښتونکی یم. ما د خپل غوښتنلیک په اړه فيصله نده ترلاسه کړې. اوس به زما د غوښتنلیک څه کيږي؟
کله چې ستاسو غوښتنلیک پروسس کوئ، موږ به په پام کې ونیسو چې ایا تاسو ته پناه درکول کیدی شي، ماتحت محافظت یا کوم بل د اوسیدو جواز. موږ به ستاسو د پناه غوښتنې په اړه مثبته فيصله وکړو، که چيري د اجازې ورکولو لپاره کافي اساسات پايې.
موږ په موقتي ډول د منفي فيصلو صادرول ځړولي پشمول له هیواد څخه د افغانستان ایستل. موږ د افغانستان امنیتي حالت څیړو. د فنلینډ مهاجرت خدمت تل د فيصلو کولو پرمهال د هیواد تازه معلومات کاروي.
د دې معلوماتو شتون، چې د فيصلي کولو پروسې کې اړین دی، د افغانستان په امنیتي حالت کې د بدلونونو له امله اغیزمن شوی. لکه څنګه چې موږ اوس مهال د چټكۍ بدلیدونکي حالت په قرينه کې د افغانستان مختلفو سیمو په اړه ټول اړین معلومات نلرو، ستاسو د غوښتنلیک پروسس ممکن له تمې څخه ډیر وخت ونیسي.
موږ به خپلو پیرودونکو ته خبر ورکړو کله چې د امنیتي حالت نوې معاینه پوره شي.
ایا پولیس اوس مهال ننوتل ردوي یا د هغو خلکو سره پاتې کيږي چې منفي فيصله یې ترلاسه کړې وي او افغانستان ته لیږل کیږي؟
فنلینډ دا مهال افغانستان ته څوک نه واپس کوي.
هغه فيصله چې تاسو ترلاسه کړي تاسو ته وایی چې ایا تاسو د دي پروړاندې اپیل کولی شئ. په زياتو قضیو کې، دا امکان لري چې د پناه غوښتنې په اړه د فيصلي پروړاندې اپیل وکړئ.
که ستاسو په قضیه کې د فيصلي پروړاندې اپیل ممکن وي، هغه پریکړه چې تاسو یې ترلاسه کوئ د غوښتنه لارښوونو سره وي. لارښوونې اداري محکمه ځانګړول کوي چیرې چې تاسو اپيل کولی شئ، د اپيل دوره، اړین اړيکي، او هغه لارې چې تاسو یې کولی شئ اداري محکمې ته خپل غوښتنه وسپارئ. تاسو اپيل کولی شئ د فيصلي پروړاندې پداسې حال کې چې د اپیل دوره روانه ده. یوځل چې د اپیل دوره سرته ورسیږي او فيصله اخرنى شي، تاسود دې پروړاندې نشئ کولی چي نور اپيل وکړئ.
که تاسو په خپل غوښتنلیک اخرنى فيصله ترلاسه کړې وي، نو تاسو ممکن وروسته غوښتنلیک عريضه وسپارئ. که ستاسو پخوانۍ فيصله لاهم اپيل کیدی شي، فيصله اخرنى نده. راتلونكي غوښتنلیکونو باید ژر تر ژره وسپارل شي ځکه چې اساسات شتون لري یا د بیا غوښتنلیک عريضي ته اړتیا ده. راتلونکي غوښتنلیکونه پوليسو یا د سرحد کنټرول چارواکو ته سپارل کیږي.
ما د اداري محکمې سره زما د پناه غوښتنې فيصلي پروړاندې اپيل جمع کړی دی. ما تراوسه زما د اپیل په اړه فيصله نده ترلاسه کړې. اوس څه کیږي؟
محکمه اداري ستاسو د اپيل په اړه فيصله کوي. که تاسو د خپل اپيل د پوره کيدو پروسس په اړه کومه پوښتنه لرئ، خپل قانوني وکیل سره اړیکه ونیسئ. مهرباني وکړئ خپلې پوښتنې دې نموني ته واستوئ کوم چې اوس مهال ستاسو اپيل پوره کوي، لکه اداري محکمه یا عالي اداري محکمه.
اداري محکمې زما د پناه غوښتنې منفي فيصلي پروړاندې زما اپیل منظور کړو او قضیه یې د فنلینډ مهاجرت خدمت ته د بیا غور لپاره بیرته ورکړه. ایا زه اوس په افغانستان کې د امنیتي حالت بدلونونو ته په پام سره د استوګنې اجازه ترلاسه کولی شم؟
اداري محکمې ممکن د فنلینډ مهاجرت خدماتو فيصله بدله کړې وي یا د فنلینډ مهاجرت خدمت ته یې حكم کړی و چې موضوع باندې له سره غور وکړي.
که اداري محکمې فيصله کړې وي چې اجازه باید ورکړل شي، د فنلینډ مهاجرت خدمت به تاسو ته اجازه درکړي. د فنلینډ مهاجرت خدمت ممکن د اداري عالي محکمې څخه د رخصتۍ غوښتنه هم وکړي ترڅو د اداري محکمې فيصلي په اړه اپیل وکړي.
که چیرې اداري محکمې قضیه د بیا غور لپاره بیرته راستانه کړې وي، د فنلینډ مهاجرت خدمت قضیه بیاکتنه کوي ترڅو معلومه کړي چې ایا تاسو د پناه لپاره کافي اساسات لرئ د محافظت لاندې حالت، یا په فنلینډ کې د استوګنې بل جواز.
اوسني حالت ته په پام سره، ایا دا امکان لري چې زما د پناه غوښتنلیک به له تمې څخه ډیر وخت ونیسي؟
د تازه هيواد معلوماتو شتون، چې د فيصلي کولو پروسې کې اړین دی، د افغانستان په امنیتي حالت کې د بدلونونو له امله اغیزمن کیږي. لکه څنګه چې موږ اوس مهال د چټكۍ بدلیدونکي حالت په قرينه کې د افغانستان مختلفو سیمو په اړه ټول اړین معلومات نلرو، ستاسو د غوښتنلیک پروسس ممکن له تمې څخه ډیر وخت ونیسي.